Jeevan ke safar mein kuch raahein aisi dekhi hai
Kahi mehsoos hui mann mein kashmakash
Aur kinara choomne se katraaye hum
Kahi hawaaon mein thi ajeeb si tanhaayee
Phir bhi apne rooh ki pukaar sun na paaye hum
Jeevan ke safar mein kuch raahein aisi dekhi hai
Jab takraaye hum tumse inhi raahon mein
Waqt kho baithe tumhari masoom nigahon mein
Kiya na pyaar ka izhaar, na door rehne se inkaar
Phir bhi qaid mein the tumhare saare jazbaat
Din badal gaye saalon mein
Hoton se ek labs bhi na nikla
Shaayad darr tha tumhe khone ka
Shaayad aham ki jeet aur pyaar ki haar
Bichadne ka samay aa raha tha
Haath badhaane ka lamha kho gaya
Aisi thi dastaan humaari ankahee ki
Zindagi ke panno mein ek kahaani si
Jeevan ke safar mein kuch raahein aisi dekhi hai
Kahi mehsoos hui mann mein kashmakash
Aur kinara choomne se katraaye hum
Kahi hawaaon mein thi ajeeb si tanhaayee
Phir bhi apne rooh ki pukaar sun na paaye hum
Jeevan ke safar mein kuch raahein aisi dekhi hai